Tum kar paoge kya?

By Vranda Bansal

Pyaar toh sab karte hai ek dusre se

Par tum sath nibha paoge kya?

Jab thak jau duniya se,

Toh mera sukoon ban paoge kya?

Darr bohot lagta hai mujhe,

Mere saath beth kar har baar gale laga paoge kya?

Kabhi kabhi khana bhul jati hu,

Khud ke hath se khila paoge kya?

Choti choti baate dil ko chu jati hai,

Gusse meh khudke bolne per lagam laga paoge kya?

Thoda der lagta hai, per cheezein samhaal leti hu,

Mujh per bharosa kar ke, sabr se saath de paoge kya?

Kabhi kabhi bol nahi pati, bas ro deti hu….

Bole bina meri akhein padh paoge kya?

Pyaar toh sab karte hai ek dusre se,

Par tum sath nibha paoge kya?